Kafé sona
Timor-Leste nia kafé sona koñesidu ho nia perfil sabor ida ne’ebé úniku no distintivu hodi
hafahe husi tipu kafé sira seluk. Nu’udar híbridu husi variedade Arábika no Robusta, Timor-
Leste nia kafé sona iha forte, nakonu ho sabór ho ai-fuan no xokolate uitoan. Sona kafé mak
etapa importante ida iha prosesu produsaun kafé atu hadi’ak kafé nia sabór no aroma. Iha
Timor-Leste, kafé sona uza bebeik ho métodu tradisional, nune’e rezulta riku ho sabór iha
kopu ida no mos diverte ema iha mundu tomak ne’ebé hadomi kafé.
Se krik ita-boot hakarak atu koko Timor nia kafé sona fresku, iha kresimentu rápidu ba lista kafé sona no loja kafé iha mundu tomak ne’ebé oferese espesialidade kafé husi Timor-Leste.
Depende fatin ne’ebé de’it ita-boot iha ba, ita bele vizita:
Wild Timor Coffee
Five Senses
Numero Uno Veneziano
Grace and Taylor
Cafe Goryo
Circus Coffee
Fair TradeShop Coble Flatwhite Coffee Factory
Good Enough Coffee Toyama Horiguchi Coffee
Lilo Coffee Roaster
Popcoffees
Blue Bottle Coffee
Kafé matak
Se karik ita-boot nu’udar sona na’in kafé ka roaster ne’ebé buka perfil kafé ida úniku no
esepsional atu aumenta ba ita-boot nia selesaun orijin ka mistura, Timor-Leste nia kafé matak mak opsaun di’ak liu atu konsidera. Kafé ida ne’e iha nia presu aas ba nia sabór no aroma distintivu, no koñesidu ho nia forte, kualidade todan ne’ebé nakonu ho nia sabór kakau
metan no fore-rai sona uitoan. Ida ne’e mak opsaun perfeitu ba kafé ho susuben, oferese
sabór ida ne’ebé riku no satisfadu.
Ba sira ne’ebé prefere atu iha kafé sona ida naroman, Timor nia kafé matak bele oferese mos perfil sabór ida delikadu no nota sira hanesan masan ho roza, markujas no ai-fuan sitrus sira.
Ida ne’e mak opsaun ideal ba sira ne’ebé gosta naroman liu, kopu husi kafé oferese sabór ida diferente husi seluk.
Timor-Leste nia kafé matak kuda ho métodu tradisional, nune’e rezulta kualidade no sabór ida esepsional. Ho nia perfil sabór úniku no kualidade esepsional, Timor-Leste nia kafé matak mak eskolha popular ba roaster sira iha mundu tomak ne’ebé buka hela atu kria sira-nia
mistura rasik ka aumenta ba sira-nia selesaun orijin.
Se karik ita-boot nu’udar ema ne’ebé hadomi kafé no buka hela esperiensia kafé ida foun no entuziastiku, koko Timor-Leste nia kafé matak. Ho nia forte, kualidade todan ne’ebé nakonu ho sabór ka delikadu, sabór ida diferente husi seluk, kafé ida ne’e sei garante hodi fó gostu no satisfaz ita-bo’ot-nia papillas gustativa sira.
