Ami mak organizasaun ida la halo lukru iha nia finalidade ne’ebé konsiste no lidera husi grupu
sira ho individu oioin ne’ebé mai ho hanoin ida de’it no kompaña sira ne’ebé ho paixaun ba
kafé. Hahu husi asosiasaun hari’i iha tinan 2016, ami forma ona membru ne’ebé inklui barista,
roaster, komersiante, esportadór and agrikultór sira.
Ami-nia membru no objetivu sira
Kada membru – individu ka organizasaun hala’o nia papel importante iha valor korrenti kafé
nian no movimentu espesialidade ba Timor nia kafé. Nu’udar grupu ida, ami iha esperansa
atu hametin ami-nia relasaun ho Timor-Leste nia Ministeriu Agrikultura no Peska, loke dalan
ba merkadu espesialidade kafé nian, no dezenvolve marka produtu kafé ida ne’ebé
kompetativu no profisionál kafé sira. Atu realiza ida ne’e, ACT foku ba hadi’ak nia valor no kualidade iha produsaun kafé.
Timor nia Industria Kafé no Reziliensia
Timor produz kafé iha munisipiu 8 husi munisipiu 12 no iha tinan 2019 ho orgullu aprezenta
ona sample 40 diferente hodi fó valor espesialidade kafé no hetan ona valor aas liu ho pontu
86. Maski pandémia global rezulta ona volume ba demanda tu’un ba kafé no restrisaun ba
viajen sira ne’ebé hamate vizitante, maksosa na’in sira, no konsultante internasional sira husi
Timor-Leste, nasaun ida ne’e nafatin hatudu nia reziliensia durante tempu sira ne’e.
Fundasaun sira ne’ebé hatu’ur ona hahu husi ACT primeiru hari’i halo ona pasionante
produtór kafé sira iha determinasaun atu hasoru obstákulu sira no kontinua esforsu ba
kualidade kafé. Iha tinan 2021 mak periodu foun hodi simu kolega foun, talentu brilliante no
mos kolheita fresku.
