Selebrasaun anual da-4
ba kolheita final kafé iha Aileu
Lokaliza iha Centro Agroflorestal da Quinta Portugal iha Aileu, eventu anual ida ne’e hatudu interese husi parte envolvidu sira iha kadeia valór kafé no ema sira ne’ebé gosta kafé husi Timor-Leste tomak.
Ajenda no kalendáriu
ATRAKSAUN PRINSIPAL SIRA
Kompetisaun Kualidade Kafé Aileu
Kampeonatu Nasional ba Aeroporess iha Timor-Leste
Ofisina husi Téniku sira iha preparasaun kafé
Demonstrasaun husi têknika ba Latte Art
Passeiu iha Viveiro no Plantasaun sira
Leilaun Kafé Microlote husi Kafé Espesialidade
Música Live
Merkadu Ai-han no Arteszanatu
Premiu no Oferta no Supreza sira
Eventu ida ne’ebé iha konsolidasaun
Bazeia ba susesu husi edisaun da-3 husi Kompetisaun Rejional ba Kafé Kualidade, Asosiasaun Café Timor kria ona kolaborasaun ho The Asia Foundation no Projeto Quinta Portugal husi Camões, IP ho objetivo mos atu organiza Kompetisaun Nasional ba Preparasaun Kafé ho métodu Aeropress hodi komplementa servisu valiozu husi familia to’os nain kafé sira iha Aileu no enkoraja kultura kafé nian ba jerasaun hot-hotu. Eventu ida ne’e sei sai esforsu kolaborativu ida atu organiza edisaun seluk tuir mai ba Festival Kafé Aileu. Ami espera bele fo interesse ba konkorenti barak, no partisipante festival no vizitante sira husi Timor laran tomak atu mai Aileu, ho atividade interativu no edukativu iha paisajen ne’ebé furak durante loron rua.
Eventu kolaborativu
Fatin, hanesan iha edisaun anterior sira, sei hala’o iha Centro Agroflorestal da Quinta Portugal. Tenda sira ho estilu merkadu sei monta atu vendedor lokal, patrocinadór no membru ACTsira hodi exibe no faan artezonatu, ai-han fresku, snack no bebida sira. Partisipante sira ne’ebé iha dezeju atu partisipa ronde primeiru sira ba kompetisaun prepara kafé sei hetan konvite ba vizita plantasaun kafé ida iha Aileu no sei hetan enkorajamentu atu passa tempu kalan ida iha pouzada barak ne’ebé oferese iha Aileu. Iha loron ikus nian sei iha demonstrasaun no koko kafé sira, ofisina kona-ba opsaun husi métodu sira hodi prepara kafé iha uma, dezeña kafé ho Latte Art hodi oferese ba konvidadu, paseiu iha Projeto Quinta Portugal, no seluk tan.
Eventu ba selebrasaun
Iha loron ikus husi Festival Kafé Aileu 2023 sei hala’o ho konvidadu espesial sira no sei iha serimónia entrega prémiu no sorteiu sira. Partisipante hotu husi kompetisaun sei simu sertifikadu partisipasaun nian no amostra kafé, no vensedor nain-3 husi kompetisaun sei simu prémiu signifikante no troféu ne’ebé entrega husi konvidadu espesial sira.
